अखिल क्रान्तिकारी रोल्पाको २० औँ सम्मेलन तयारी पूरा

रोल्पा, असोज २२
एकिकृत नेकपा माओवादी निकट अखिल क्रान्तिकारी रोल्पाको २० औ जिल्ला सम्मेलन मंगलबार सदरमुकाम लिवांङमा सुरु हुँदैछ ।
जडसुत्रिय संकिर्णता र शैक्षिक निजीकरण बिरुद्ध सुदृढ संगठन, संघिय गणतन्त्र र जनमुखि शिक्षाको पक्षमा २० औ राल्पा जिल्ला सम्मेलनलाई सम्बोधन गर्न प्रमुख अतिथि संंगठनका केन्द्रिय उपाधक्ष्य रमेश मल्ल आउने कार्यक्रम रहेको छ ।

साथै अखिल क्रान्तिकारी मगरात राज्य संयोजक तिलक राज भण्डारी, सहसंयोजक तथा सचिबालय सदस्य धनमान पुन, सचिबालय सदस्य तुकमान महरा, केन्द्रिय सदस्य दिपेश पुन लगायतका अन्य अतिथिहरुको पनि उपस्थिति रहने आयोजकले जनाएको छ ।

३ सय प्रतिनिधि सहभागित हुने उक्त सम्मेलनको मंगलबार  बिहान ६ बजे बालकल्याण उमाबि लिवांङको प्रांगनमा उद्घाटन गर्ने कार्यक्रम रहेको छ ।
उद्योग बाणिज्य संघ रोल्पाको हलमा हुने बन्दसत्रले अखिल क्रान्तिकारी रोल्पाको नयाँ कार्यसमिति चयन गर्दै भोली सम्पन्न हुने बताइएको छ  ।  सम्मेलनको लागि सबै तयारी पूरा भएको सम्मेलन आयोजक समिति संयोजक चन्द्रप्रकाश बन्दिपुरेले जानकारी दिनुभयो ।