२१ असोज, भत्तपुर । नेकपा-माओवादीकी प्रवक्ता पम्फा भुसालले भारतकै कारण नेपालमा संविधान बन्न नसकेको दाबी गर्नुभएको छ । माओवादीले उठाएको मुद्दा भारतीय चलचित्र र भारतीय नम्बर प्लेटको सवारी साधन नेपालमा चल्न नदिनु वास्तविक भएको दाबी गर्दै उहाँले-’माओवादीले उठाएको मुद्दामा अन्य दलहरु सहमत भए माओवादी लोकपि्रय बन्दै जान्छ भनेर मात्र विरोध गरेका हुन,’ भन्नुभयो ।

रफत सञ्चार क्लब भक्तपुरले आज गरेको अन्तक्रिया कार्यक्रममा प्रवक्ता भुसाले अबको सरकारको नेतृत्व नेकपा-माओवादीले गर्न पाउनुपर्ने पनि माग गर्नुभएको छ । संविधानसभा विघटनपछि सबै दलहरुको समान हैसियत भइसकेको भन्दै उहाँले अबको नेतृत्व माओवादीले मात्र गर्न सक्ने बताउनुभयो ।

माओवादीको नेतृत्वमा सरकार निर्माण भए केही वर्षमै नै नेपालको आर्थिक र सामाजिक विकास हुने दाबी गर्नुभयो ।